ལོ་འདི་དག་གི་རིང་ལ་འབྲོག་པ་རྣམས་ཀྱིས་ཁྲིམས་གླེང་ལ་དྲིས་པའི་དྲི་བ་མང་ཆེ་ཤོས་གྲས་ཀྱི་གཅིག་ནི་རྩྭ་སའི་གནད་དོན་རེད། ཉིན་ཤས་སྔོན་ལ་དྲ་གྲོགས་ཤིག་གིས་དྲི་བ་གནད་འགག་ཅན་ཞིག་དྲིས་བྱུང་། དེ་ནི་འདི་འདྲ་རེད། འབྲོག་པ་མང་ཚོགས་ཀྱིས་རང་གི་རྩྭ་ཐང་དང་འབྲེལ་བའི་ས་རྒོད་མུའུ་བརྒྱ་ལྷག་རེ་སློག་ནས་གྲོ་ནས་སྲན་གསུམ་གྱིས་མཚོན་པའི་འབྲུ་རིགས་བཏབས་པ་ཡིན་ན། དེ་ནག་ཉེས་སུ་བརྩིས་ནས་ཉེས་ཁྲིམས་ཀྱིས་སྤྱོས་ཤིང་བཙོན་ཏུ་འཇུག་པ་དེ་འདྲའི་གནས་ཚུལ་ཡོང་གི་ཡོད་པ་དང་། སྲིད་གཞུང་དང་འབྲེལ་བ་ཡོད་པའི་གཏེར་བསྔོག་ལས་གྲྭ་དག་གིས་རྩྭ་ས་མུའུ་སྟོང་ཕྲག་རེ་བསློགས་ཏེ་གཏེར་ཁ་བརྐོ་སྔོག་བྱེད་པ་དང་། ཡང་ན། འབྲོག་པའི་འཚོ་རྟེན་ཡིན་པའི་རྩྭ་ས་ལ་ཤིང་ནགས་འདེབས་འཛུགས་བྱེད་ཀྱིན་ཡོད་པ་རེད་དེ། མཐར་རྩྭ་སྐྱེས་ཀྱི་མེད་པ་དང་ཤིང་ནགས་ཀྱང་སྐྱེས་ཀྱི་མེད་པར་བརྟེན་རྩྭ་ཐང་འཕྲོ་བརླགས་སུ་སོང་བའི་གནས་ཚུལ་ཡང་མང་པོ་ཡོང་གིན་ཡོད། ཡིན་ནའང་། དེ་རིགས་ལ་ཉེས་ཁྲིམས་ཀྱིས་བདའ་འདེད་བྱེད་ཀྱིན་མི་འདུག དེ་ཅིའི་ཕྱིར་མ་བྱས་པ་རེད་ཅེས་དྲི་བ་ཞིག་དྲིས་བྱུང་། དྲི་བ་དེ་ནི་ཧ་ཅང་གནད་འགག་ཅན་དང་གནད་དོན་གང་ཞིག་ཐད་ཀར་་ཐེར་འདོན་དང་འབྲེལ་བའི་དྲི་བ་ཞིག་ཏུ་མཐོང་།

བོད་ཀྱི་གཞི་རིམ་ས་ཁུལ་གང་ས་ན། སྲིད་གཞུང་གིས་སྡེ་བའི་མང་ཚོགས་ཀྱི་ཆེད་དུ་འཛུགས་སྐྲུན་བྱས་ཡོད་པའི་ཁང་པ་དེ་འདྲ་ཡོད་པ་རེད། བོད་ཁུལ་གྱི་སྡེ་བ་ཞིག་ཏུ་རླུང་འཚུབ་དྲག་པོ་ཞིག་གཡུགས་ནས་དེ་འདྲའི་ཁང་པ་འགའ་ཡི་ཀླད་ཁེབས་བཀོག་ཅིང་སྤུར་བའི་གནས་ཚུལ་བྱུང་ཡོད། སྡེ་མི་ཞིག་གིས་གནས་ཚུལ་དེའི་སྐོར་དྲ་ལམ་དུ་སྤེལ་སྟབས། སྤྱི་བདེ་ལས་ཁུངས་ཡོང་ནས་སྡེ་མི་དེ་འཛིན་བཟུང་བྱས་པའི་གནས་ཚུལ་གསར་པ་ཞིག་ཐོས།དེས་ན། སྡེ་མི་དེ་ག་རེ་བྱས་ནས་འཛིན་བཟུང་བྱས་པ་དང་། ཇི་ལྟར་འཛིན་བཟུང་བྱས་པ་རེད་དམ། ཡང་ན། དེ་འཛིན་དགོས་དོན་དང་འཛིན་བཟུང་བྱས་པའི་བརྒྱུད་རིམ་དེ་ཁྲིམས་མཐུན་ཞིག་ཆགས་ཡོད་དམ། དྲི་བ་འདི་འདྲའི་རིགས་ལ་ལན་འདེབས་ཡང་དག་ཅིག་བྱེད་དགོས་ན། རྩ་ཁྲིམས་དང་འབྲེལ་ཡོད་ཁྲིམས་ལུགས་གཞན་གྱི་སྲུང་སྐྱོབ་ཆ་རྐྱེན་སྐོར་གླེང་ནས་ལན་འདེབས་བྱས་ན་ད་གཟོད་གསལ་པོ་ཆགས་ཐུབ་པ་ཡིན།

དེ་ནི་འདི་ལྟ་སྟེ། རྩ་ཁྲིམས་ཀྱི་ནང་དུ། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྤྱི་དམངས་ཤིག་ཡིན་ཕྱིན། མི་དམངས་ཁྲིམས་ཁང་དང་ཞིབ་དཔྱོད་ལས་ཁུངས་ཀྱི་ཐག་གཅོད་དང་། སྤྱི་བདེ་ལས་ཁུངས་ཀྱི་ལག་བསྟར་མ་བརྒྱུད་པར་དེ་འཛིན་བཟུང་བྱས་མི་ཆོག་ཅེས་གཏན་འབེབས་བྱས་ཤིང་།ཉེས་དོན་གཏུག་བཤེར་གྱི་ཁྲིམས་ཡིག་ཏུའང་འཛིན་བཟུང་གི་བརྒྱུད་རིམ་དང་ཆ་རྐྱེན་ཁག་མངོན་གསལ་དོད་པོས་གཏན་འཁེལ་བྱས་ཡོད། དཔེར་ན། ཉེས་དོན་གཏུག་བཤེར་ཁྲིམས་ཀྱི་དོན་ཚན་ ༧༩ པ་ཡི་ནང་དུ་ཉེས་དོན་དོགས་ཡོད་མི་སྣ་དང་གྱོད་ཡ་སོགས་ཀྱིས་ཉེས་གསོག་བྱས་ཡོད་པ་བདེན་དཔང་བྱེད་ཐུབ་པ་དང་བཙོན་འཇུག་གི་ཉེས་ཆད་གཅོད་སྲིད་ཅིང་། དེ་གཏའ་གྲོལ་བྱས་ན་སྤྱི་ཚོགས་ལ་ཉེན་ཁ་ཡོད་པ་ཞིག་ཡིན་ན། ད་གཟོད་འཛིན་བཟུང་བྱེད་དགོས་ཤིང་། དེ་དག་གིས་ཉེས་གསོག་གསར་པ་བྱེད་སྲིད་པའམ་རྒྱལ་ཁབ་དང་སྤྱི་ཚོགས་ཀྱི་བདེ་འཇགས་ལ་མངོན་གསལ་གྱི་ཉེན་ཁ་ཡོད་ན་ཡང་འཛིན་བཟུང་བྱས་ཆོག་ཅེས་གཏན་འབེབས་བྱས། འཛིན་བཟུང་གི་བརྒྱུད་རིམ་ནི། སྤྱི་བདེ་ལས་ཁུངས་ཀྱིས་དོགས་ཡོད་མི་སྣ་ཐད་ཀར་འཛིན་བཟུང་བྱས་མི་ཆོག་པར། ཞིབ་དཔྱོད་ལས་ཁུངས་ལ་འཛིན་བཟུང་ཆོག་མཆན་ཞུས་ནས་འཛིན་བཟུང་ཆོག་མཆན་ཐོབ་ན་ད་གཟོད་འཛིན་བཟུང་བྱེད་པ་ལས། ཞིབ་དཔྱོད་ལས་ཁུངས་ཀྱི་ཆོག་མཆན་མེད་པར་སྤྱི་བདེ་ལས་ཁུངས་ལ་དོགས་ཡོད་མི་སྣ་ཐད་ཀར་འཛིན་བཟུང་གི་དབང་ཆ་མེད། འཛིན་བཟུང་ཆོག་མཆན་མ་ཐོབ་སྔོན་ལ་སྤྱི་བདེ་ལས་ཁུངས་ཀྱིས་དོགས་ཡོད་མི་སྣ་བཀག་ཉར་བྱས་ཆོག་མོད། གནས་ཚུལ་ཚབས་ཆེན་མིན་ན་ཉིན་གསུམ་གྱི་ནང་ཚུན་ལ་ཞིབ་དཔྱོད་ལས་ཁུངས་ནས་འཛིན་བཟུང་ཆོག་མཆན་གྱི་ཡི་གེ་ཞུ་དགོས་ཤིང་། ཆོག་མཆན་མ་ཐོབ་པ་ཡིན་ན། སྤྱི་བདེ་ལས་ཁུངས་ཀྱིས་བཀག་ཉར་བྱས་པའི་དོགས་ཡོད་མི་སྣའམ་གྱོད་ཡ་མྱུར་དུ་གློད་གྲོལ་གཏོང་དགོས། བཀག་ཉར་དུས་ཡུན་ནི་ཆེས་རིང་ན་ཉིན་ ༣༧ ་ལས་བརྒལ་མི་ཆོག འཛིན་བཟུང་བྱེད་སྐབས་སྤྱི་བདེ་ལས་ཁུངས་ཀྱིས་འཛིན་བཟུང་ཡི་གེ་དེ་དོགས་ཡོད་མི་སྣ་སོགས་ལ་ངེས་པར་དུ་སྟོན་དགོས་ཤིང་། འཛིན་བཟུང་བྱས་པའི་རྗེས་སུ་དོགས་ཡོད་མི་སྣར་སྐད་སྒྱུར་དང་། ཁྲིམས་རྩོད་པ་སོགས་དགོས་པའི་རེ་འདུན་འདོན་པའི་ཐོབ་ཐང་ཡོད། དེས་མི་ཚད་འཛིན་བཟུང་གི་བརྒྱུད་རིམ་དང་བདེན་དཔང་ལ་ཤན་དང་སྐྱོན་ཡོད་པ་སོགས་ཞིབ་དཔྱོད་ལས་ཁུངས་ལ་བཤད་དེ་ཐར་ཐབས་བྱེད་པའི་ཐོབ་ཐང་ཡང་ཡོད་པ་ཉེས་དོན་གཏུག་བཤེར་གྱི་ཁྲིམས་སུ་གསལ་བོར་འཁོད་ཡོད།

དེས་ན། རླུང་འཚུབ་ཀྱིས་ཁང་ཀླད་བཀོག་ཅིང་སྤུར་བའི་གོང་གསལ་གནས་ཚུལ་དྲ་ལམ་དུ་ཁྱབ་སྤེལ་བྱེད་མཁན་གྱིས་འབྲེལ་ཡོད་ཁྲིམས་ལུགས་སུ་གསལ་བའི་ཉེས་གསོག་ཅི་ཡང་བྱས་མེད་པ་མ་ཟད། གནས་ཚུལ་བརྒྱུད་བསྐུར་བྱས་པ་དེས་སྤྱི་ཚོགས་ལ་མངོན་གསལ་གྱི་ཉེན་ཁ་ཅི་ཡང་བཟོས་མེད་པ་དང་བཟོ་ཡང་མི་སྲིད་པ་བཅས་གསལ་པོ་ཡིན་པས། ཁོང་འཛིན་བཟུང་བྱས་པ་དེ་ནི་སྤྱི་བདེ་ལས་ཁུངས་ཀྱིས་རང་ཤེད་ཀྱིས་འཛིན་བཟུང་བྱས་པ་ཞིག་ཆགས་ཡོད་སྟབས། འཛིན་བཟུང་དེའི་བརྒྱུད་རིམ་མཐའ་དག་ཁྲིམས་འགལ་ཆགས་ཡོད།

གནའ་བོའི་གྷེ་སེར་(希腊)བཙན་རྒྱལ་གྱི་སྐབས་སུ། རྒྱལ་ཁམས་ལ་དབང་བསྒྱུར་བའི་མི་རིགས་གྷེ་རིགས་ཀྱིས་རང་གི་ཁ་ཟས་རིགས་ཕྱིའི་རྒྱལ་ཁབ་བམ་མི་རིགས་གཞན་གྱི་ཡུལ་ནས་དབོར་འདྲེན་བྱས་ཏེ་ནང་གི་ཞིང་ཕྱུགས་ཀྱི་སོ་ནམ་ལ་དོ་སྣང་ཆེར་མ་བྱས་པའི་རྐྱེན་གྱིས་རིམ་པས་འཇིག་པ་རེད། མི་རིགས་ཤིག་ལ་མཚོན་ན། ལྷག་པར་ཏུ་མི་རིགས་ཉམས་ཆུང་ཞིག་ལ་མཚོན་ན། རང་གི་ཁ་ཟས་མི་རིགས་གཞན་ལ་བརྟེན་དགོས་བྱུང་ཚེ། དེ་ནི་ཤིན་ཏུ་ཉེན་ཁ་ཆེ་བའི་གནས་ཞིག་ཏུ་ལྷུང་བ་རེད། གལ་ཏེ། ཁ་ཟས་དབོར་འདྲེན་བྱེད་སའི་མི་རིགས་དང་ཡུལ་ལུང་དེ་དང་གཡུལ་འཐབ་སོགས་ཀྱི་

དེ་རིང་གི་གཏམ་བཤད་ཀྱི་མིང་ལ་ས་ཁྲིམས་རྣམ་བཤད་ཡུལ་ལྷ་དགྱེས་པའི་ཀུ་རེ་ཟེར། དེ་ཟེར་དོན་ཡང་ཚོགས་པ་འདིའི་ནང་གི་ཚོགས་མི་མང་ཆེ་བ་འབྲོག་པ་རེད། ཁོང་ཚོས་རྒྱལ་ཁབ་ཀྱི་ས་ཁྲིམས་སྐོར་ལ་སྐད་ཆ་ཞིག་བཤད་དགོས་ཞེས་སྐུལ་བའི་ངོ་མ་ཆོད་པར་ས་ཁྲིམས་ས་སྲིད་ཀྱི་སྐོར་ལ་སྐད་ཆ་མདོར་ཙམ་ཞིག་བཤད་དགོས་བྱུང་། རྒྱལ་ཁབ་འདིའི་ས་ཡི་ཁྲིམས་ལུགས་དང་ས་ཡི་སྲིད་ཇུས་དེ་དག་ང་ཚོ་བོད་ཡུལ་གྱི་བརྟན་མ་བཅུ་གཉིས་ལ་སོགས་པའི་ཡུལ་ལྷ་གཞི་བདག་གིས་ཀྱང་ཐོས་ན་ཀྱེ་མ་ཡ་མཚན་ཆེ། ཀུ་རེ་ཨེ་ཡིན་ནམ་ཞེས་བཞད་གད་ཤོར་སྲིད་པར་སྣང་བས་ཁ་བྱང་འདི་ལྟར་སྦྱར་བ་ཡིན། དེ་ལ་ཁྱེད་རྣམ་པས་འཆར་ཡན་དང་འགྲེལ་བརྗོད་གང་རུང་བྱས་ན་ཆོག

མཚོ་སྔོན་ཞིང་ཆེན་གྱི་སྲིད་འཛིན་ས་རྒྱུས་སྟེང་ནས་བལྟས་ན། མཚོ་སྔོན་ཞིང་ཆེན་ལ་སྲིད་འཛིན་རང་བཞིན་ཅན་གྱི་ས་ཁུལ་བརྒྱད་ཡོད། རྨ་ལྷོ་བོད་རིགས་རང་སྐྱོང་ཁུལ། མཚོ་ལྷོ་བོད་རིགས་རང་སྐྱོང་ཁུལ། མཚོ་བྱང་བོད་རིགས་རང་སྐྱོང་ཁུལ། མགོ་ལོག་བོད་རིགས་རང་སྐྱོང་ཁུལ། ཡུལ་ཤུལ་བོད་རིགས་རང་སྐྱོང་ཁུལ། མཚོ་ནུབ་སོག་རིགས་བོད་རིགས་རང་སྐྱོང་ཁུལ་བཅས་པའི་རང་སྐྱོང་ཁུལ་དྲུག་དང་། མཚོ་ཤར་གྲོང་ཁྱེར་དང་ཟི་ལིང་གྲོང་ཁྱེར་བཅས་ཡིན། མཚོ་སྔོན་ཞིང་ཆེན་ལ་མི་སེར་ས་ཡ་ལྔ་དང་འབུམ་བརྒྱད་ལྷག་ཡོད་པ་ནང་། བོད་རིགས་ས་ཡ་གཅིག་དང་འབུམ་བཞི་ཡོད། རྒྱ་རིགས་ས་ཡ་གཉིས་དང་འབུམ་དགུ་ཡོད་པ་ནང་གི་ས་ཡ་གཉིས་དང་འབུམ་བཞི་ཟི་ལང་དང་མཚོ་ཤར་དུ་འདུས་བསྡོད་བྱེད་པ་དང་། མཚོ་སྔོན་ཞིང་ཆེན་གྱི་བོད་རིགས་ནི་མཚོ་སྔོན་གྱི་ཆེས་མང་བའི་གྲངས་ཉུང་མི་རིགས་ཡིན། མཚོ་ཤར་དང་ཟི་ལང་ཕུད་ན། མཚོ་སྔོན་བོད་རིགས་ཀྱི་མི་གྲངས་མཚོ་སྔོན་མི་

—- དབུས་གཙང་གི་སློབ་ཆེན་སློབ་མའི་ཚོགས་པ་ཞིག་ལ་བཤད་པའི་སྐད་ཆ།