ཁྲིམས་གླེང་།

༡ གྲངས་ཉུང་མི་རིགས་ཀྱི་ཐོབ་ཐང་།

དེང་སང་བོད་མི་མང་པོ་གྲོང་ཁྱེར་དང་ནང་ལོགས་སུ་ཕྱིན་ཏེ་བཟོ་གྲྭ་དང་ཚོང་ཁང་ལ་སོགས་པའི་ནང་དུ་ལས་ཀ་ལས་བཞིན་པ་རེད། ཁོང་ཚོས་རང་གི་ཐོབ་ཐང་དང་ཁེ་ཕན་ལ་གཞན་གྱིས་གནོད་པ་བྱས་ཚེ་རྒྱལ་ཁབ་ཀྱི་ངལ་རྩོལ་ཁྲིམས་ལུགས་སོགས་ལ་བརྟེན་ནས་སྲུང་སྐྱོབ་བྱེད་ཐུབ་པའི་ཆེད་དུ་གཤམ་དུ་ངལ་རྩོལ་ཁྲིམས་ལུགས་ཀྱིས་གཏན་དབབ་བྱས་པའི་ངལ་རྩོལ་པའི་ཐོབ་ཐང་ཁག་མཚམས་སྦྱོར་རགས་ཙམ་བྱེད་རྒྱུ་ཡིན།

༡ རྩ་ཁྲིམས་ཀྱི་ནང་དུ་རིགས་སོ་སོའི་མི་རིགས་ལ་རང་གི་སྐད་ཡིག་བེད་སྤྱོད་དང་སློབ་སྦྱོང་བྱེད་པའི་རང་དབང་ལྡན་ཞེས་པའི་གཏན་འཁེལ་བྱས་ཡོད། བོད་མི་ཞིག་ཡིན་ཚེ་བོད་སྐད་ཡིག་སློབ་སྦྱོང་དང་བཀོལ་སྤྱོད་བྱས་ན་རྩ་ཁྲིམས་ཀྱི་རང་དབང་ལོངས་སུ་སྤྱད་པ་ཡིན་པ་དེ་ཤེས་པར་བྱས་ཏེ་གོ་སྐབས་དམ་འཛིན་གྱིས་བྱིས་པའི་དུས་ནས་བཟུང་བོད་སྐད་ཡིག་སྦྱོང་སྤྱོད་བྱེད་དགོས། གཞན་རིགས་ཀྱི་སྐད་ཡིག་སློབ་སྦྱོང་དང་བཀོལ་སྤྱོད་བྱེད་དགོས་བྱུང་ཡང་རང་གི་སྐད་ཡིག་ཡེ་ནས་མི་འདོར་བར་འབྲི་ཀློག་ཅི་ནུས་ཀྱང་ཤེས་པར་བྱ་དགོས་པ།  

[video width="1280" height="720" mp4="https://s3.amazonaws.com/media-trimleng/Passport+video+(Amdo+Kay).mp4" poster="http://trimleng.cn/wp-content/uploads/2018/10/passport.png"][/video]

[video width=”1280” height=”720” mp4=”https://s3.amazonaws.com/media-trimleng/Passport+video+(Utsang+Kay).mp4” poster=”http://trimleng.cn/wp-content/uploads/2018/10/passport-e1538981388782.png”][/video]

[video width=”1280” height=”720” mp4=”https://s3.amazonaws.com/media-trimleng/Passport+video+(Kham+Kay).mp4” poster=”http://trimleng.cn/wp-content/uploads/2018/10/passport.png”][/video]

ཁྲིམས་རྩོད་པ་ལྷ་མོའི་གཏམ་བཤད་ལས། 

དྲི་བ་འདྲི་མཁན། སྟག་ལྷ་རྒྱལ།

གཡར་ཡིག་དང་ཆད་ཡིག་ནི་ནམ་རྒྱུན་འཚོ་བའི་ཁྲོད་དུ་སྒེར་བ་ཕན་ཚུན་བར་ལ་སྒོར་མོ་གཡར་སྐྱི་བྱེད་སྐབས་བཀོལ་སྤྱོད་བྱེད་པའི་བདེན་དཔང་ཡི་གེ་གལ་ཆེན་ཞིག་ཡིན། གཡར་ཡིག་ནི་གང་ཟག་ག་གེ་མོ་ཞིག་གིས་གང་ཟག་གཞན་ལ་དུས་ནམ་ཚོད་ཞིག་ལ་སྒོར་མོ་ག་ཚོད་གཡར་བ་ཁས་བླངས་པ་མཚོན་ཞིང་། ཡི་གེ་དེ་བུ་ལོན་གཡོར་མཁན་ནམ་དོམ་བདག་གིས་བྲིས་ན་ཆོག་ལ་བུ་ལོན་ལེན་མཁན་ནམ་དོམ་པས་བྲིས་ནའང་ཆོག ཆད་ཡིག་ནི་དོམ་པས་དོམ་བདག་ལ་སྒོར་ག་ཚོད་ཆད་ཡོད་པ་མཚོན་བྱེད་ཀྱི་དཔང་རྟགས་ཤིག་ཡིན། ལྟོས་ཚོད་ཀྱིས་ཡི་གེ་འདི་གཉིས་བར་ན་ཁྱད་པར་ཆེན་པོ་ཞིག་མེད་མོད། འོན་ཀྱང་། ཁྲིམས་ལུགས་ཀྱི་སྟེང་ནས་བཤད་ན་ཡི་གེ་འདི་གཉིས་ལ་ཁྱད་པར་ཆེན་པོ་ཡོད། གཡར་ཡིག་དང་ཆད་ཡིག་ལ་ཁྲིམས་ལུགས་ཀྱི་ནུས་པ་དང་། གཏུག་བཤེར་གྱི་དུས་འབྲེལ། དོ་བདག་གིས་བདེན་དཔང་སྟོན་པ་བཅས་ཀྱི་ཐད་ན་ཁྱད་པར་གལ་ཆེན་གདའ།

ཉེ་ཆར་ལྷ་ས་གྲོང་ཁྱེར་མཐོ་རིམ་སློབ་འབྲིང་གསུམ་པ་ཡིས་༼ཁྱིམ་བདག་ལ་སྤྲིངས་པའི་ཡི་གེ༽ཞེས་བྱ་བ་ཞིག་སྤེལ་ཏེ། སློབ་གྲྭ་དེའི་སློབ་མ་རྣམས་དབྱར་གནང་གི་སྐབས་སུ་ཆོས་ལུགས་བྱེད་སྒོ་སྣ་ཚོགས་སུ་ཞུགས་པར་ཁྱིམ་བདག་གིས་བཀག་སྡོམ་བྱེད་དགོས་ཞེས་འབོད་སྐུལ་བྱས་ཡོད། ཡང་། ད་ལོའི་ཟླ་ ༥་བའི་ཡས་མས་སུ་ལྷ་ས་གྲོང་ཁྱེར་གྱི་རྗེ་འབུམ་སྒང་སློབ་ཆུང་གིས་ཀྱང་བརྡ་སྦྱོར་ཞིག་སྤེལ་ཏེ། སློབ་གྲྭ་དེའི་དགེ་སློབ་དང་ལས་མི་སྣ་ཡོངས་ས་ག་ཟླ་བའི་ཆོས་ལུགས་དུས་ཆེན་དང་ཟླ་མཆོད་དུས་ཆེན་བཅས་ལ་ཞུགས་མི་ཆོག་ལ་སློབ་མའི་ཁྱིམ་བདག་ཀྱང་མི་ཞུགས་པའི་འགན་ཁུར་དགོས་པ་མ་